Agencies:Friday te Boeing jetliner toh Jacksonville Florida laga runway para slid kuri kena nodi te gerishe. Boeing jetliner te 143 manu khan bhuhi kena thakishe. Plane toh Cuba, Guantanamo Bay, Cuba laga US outpost para ahishe. Friday din te toofan aha nimite military base te land kuribole kosis kura samay te gerishe. Etu ghatna te 21 manu khan jokom hoishe.
Sources koishe ke etu ghatna te manu khan mura nohoile bhi bishi biya para jokom huwa laga eku khobor nai. Jacksonville Sheriff laga Office Twitter te koishe 21 jokom huwa manu khan ke hospital te loi jaishe. Hospital te etu manu khan toh bhal condition te thaka janaishe.
Florida air base spokesman koishe chartered Boeing 737-800 plane toh Cuba laga Naval Station Guantanamo Bay para 136 passengers aro saatha crew members khan loi ahi thakishe. Plane toh Naval Air Station, Jacksonville laga runway toh par kuri kena St Johns nodi te gerishe. Etu ghatna toh 9:40 pm local time te hoishe.
Sheriff laga office koishe plane toh pani bhitor te jaa nai. Aro plane te thaka sob manu khan zinda ase.
