Ahmednagar: Monday din te police koishe maiki aro tai laga mota ke maiki laga baba aro tai laga ghor manu khan para julai dishe. Etu ghatna toh Maharashtra laga Ahmednagar district te hoishe. Khobor hesab te parivar manu khan para couples khan ke shaadhi kuribole mana kuri kena thakishe.
Official koishe Sunday din Pune hospital te maiki toh jui para paa jokom para muri jaishe. Mota toh 40 percent julishe, aro tai toh jui jula nimite tai laga jeevan nimite larai kuri ase.
Inspector Vijaykumar Botre of Parner tehsil koishe Mangesh Chandrakant Ranasing (23) aro tai laga maiki Rukmini Rama Bharathiya (23) ke alak alak caste hoi kena bhi shaadhi kura nimite jui jolai dishe.
Botre koishe etu ghatna toh May 1 te Nighoj bosti te hoishe. Etu bosti toh district headquater para 60 kilometres te ase. Ranasingh toh construction kaam kura manu ase. aro tai toh Rukmini logote jua saal laga November te shaadhi hoishe. Etu shaadhi toh tai laga parivaar laga khoshi nathaki kena hoishe.
Add Comment