Godda: Tuesday te Union Home Minister Rajnath Singh koishe ahibole laga panch saal te India toh tisra (3rd) sob para dangor economy hubole ase.
Senior BJP leader koishe ami khan laga government toh manu khan laga mon te developmental kaam khan toh bhal kuribole bisas halide ase. Government toh etu nisina kaam kuribole lage.
Rajnath Singh toh Godda Lok Sabha constituency te thaka Pathargama block te thaka rally te kotha kurishe. Singh koishe jua char saal te government para 1.3 crore manu khan ke pucca ghor khan banaishe. Aro jua panch nohoile bhi saath saal te jaribi nichete kun parivar bhi nathakibo koishe.
Singh koishe BJP government para tai laga samay te 7.5 crore parivar khan ke garibi niche para uthai dishe.
Singh koishe 2014 saal te khali 12 crore gas cylinders khan he dibole parishe. Hoile bhi BJP government khan thaka samay te 13 crore manu khan ke etu facility dishe, rasta laga kaam toh din te 5/6 km para din te 30/32 km para uthai dishe.
Add Comment