Kiphire laga District Planning & Development Board meeting toh Kiphire laga DC’s office laga DPDB hall te 8th May 2019 te loishe.
ADC Reny Wilfred IAS para sob district officers khan ke welcome kurishe. Plastic muft district hesab te kamiyab kura opor te kotah kurishe. Plastic pani bottles estimal kura rukhabole ADC para sob district officers ke tai khan nijor laga offices te water purifier lagabole koishe. SDO (C) HQ, Nyempo Wallim para platic estimal kura laga problem opor te olop kotha koishe. Schools authorities khan ke bhi schools khan ke bhi chapel hours te plastic free message dibole koishe.
DPDB Kiphire para Pungro, Seyochung aro Kiphire district Headquarter te copper services aro bhal kuribole koishe. Citizens khan rasta biya huwa samay te chopper laga modot lubole paribole etu kotha koishe. District Education Officer Kiphire para tai laga department nichete fund estimal huwa laga kotha bhi kurishe.
ADC para Zisaji College te lecturer transfer nokuribole suggest kurishe. Etu fasla toh college laga bhal kaam kura environment biya nakuribole nimite ase. Board para Sericulture department ke project suru kuribole taiyar kuribole koishe. Aro ahibole thaka DPDB meeting te submit kuribole koishe. Reny Wilfred para board ke aro koishe ke Kiphire district te juwan generation khan nimite incubation centre set up kuribo koishe. Khipire district te ambulance service aro proper pani supply kuribole bhi kotha kurishe.
Add Comment