BHUBANESWAR: Sources koishe ke Cyclone Fani pichete Odisha laga pani osor te thaka jaga te aath (8) din para bijili (power) aro pani nai. Manu khan dikdar pai thaka toh thik kuribole government khan pura kosis kuri ase. Hoile bhi government khan etu kaam toh etiya bhi pura thik kuribole para nai. Etu nimite Friday te Odisha laga alak alak jaga te protest hoishe. Protests kura laga karan toh kaam joldi kuribole nimite ase. Cyclone Fani toh Odisha laga coastal districts te May 3 te ahishe. Hoile bhi etiya tok Bhubaneswar te thaka 4.5 lakh electricity consumers para adha nisina manu khan hee paishe. Etiya Odisha state te gorom laga hawa ahi ase.
Police koise state capital laga Garage Chhak osor te bisi manu khan melai kena rasta block kurishe. Tai khan para bijili toh joldi banabole demand kuri ase. City te cyclone fani nimite 1.56 lakh electric poles toh olai dee kena biya kuri dishe.
Protesters khan para Central Electricity Supply Utility (CESU) office te bhi hamla kurishe. Aro etu nimite employees khan ke nijor ke office te bon kui dishe.
CESU officer N K Sahu koishe protestors khan para dhamki diya aro hamla kura nimite ami khan toh bishi bhoi hoishe.
Official koishe dusra jaga te etu nisina ghatna hoishe aro ghatna biya para bachibole nimite CESU laga control room aro dusra offices te police personnel khan anishe.
Add Comment