GHAZNI: Saturday southern Afghanistan te ekta landmine blasts hoikena 7 ta bacha murishe aro dui jun toh jhokom paishe .Etu war ordinance aro bi ekbar huwa nimete civilians khan murishe .
Etu blast toh Kabul capital laga south Ghazni province te huwa ase .Etu time te bacha khan main road te khela time te landmine te chapaikena murishe .Etu khobor toh provincial spokesman Aref Noori AFP ke koikena janaishe .
“Etu mine toh Taliban khan para plant kurishe main road te security forces khan ke jhokom pabole dibo nimete ,”Tai koikena janaishe. Etu nimete Taliban khan para ekta bi jawab dianai .
Etu insurgents khan para bishibak roadside bombs aro landmines khan chulai Afghan security forces khan ke target kuribole nimete .Hoilebi etu hathyaar para civilians khan ke bi jhokom de .
Ghazni provincial council laga member Amanullah Kamrani, koishe etu bacha khan laga sal toh seven aro nine sal majhotte thakishe aro etu te komti hoilebi char jun bacha toh ekta khandan laga ase .
Bishi sal para conflict olaikena Aghanistan te landmines, unexploded mortars, rockets aro homemade bombs khan thakeh aro etu khan toh bacha khan para uthai .
Juwa moina saata bacha khan ke muraidishe aro 10s jun nishena jhokom paishe Laghman laga eastern province te mortar shell phatishe etu bacha khan khela time te .
United Nations khan kuwa hisaab te 3,804 civilians etu te komti hoilebi 900 bacha khan Afghanistan te 2018 te murishe Aro 7000 nishena jhokom paishe .Afghanistan te sobse biya wala sal thakishe civilians khan nimete .
Add Comment