SIDDHARTHNAGAR: Jowah kali (12th May, 2019) Uttar Pradesh laga Domariyaganj Lok Sabha constituency deh election lowah time deh Gram Sangaldeep laga bosti manu khan para boycotts korishe. Boycotts kora toh state laga rasta aro pura puri development toh nai koikena kora laga ase.
Officials khan para tai khan laga polling booth deh bosti manu khan logode vote kuribole pura kosish kora thakishe. Hoilebe bosti manu khan tai khan laga fesla putli nakori kena gara para thakishe. Polling booth toh bosti laga primary school deh thakishe aro tati khali polling staff aro police personnel he thakishe.
Etu bosti deh 550 opor voter ase aro etu bosti toh Siddharthnagar district pathor deh ase.
Locals khan para kowah toh, rasta toh nabonai, etu para bosti deh osor laga noti para flood hoija.
Ekta local, Kanu Yadav para kowah toh, “Ami khan laga bosti toh noti laga pani para bhorta hoijai aro khan duniya para link nathaga hoijai. Politicians khan khali hala he kori ase ketiya time ahhai etu time deh ami khan laga bosti ke nasai”.
Tusra bosti manu Ram Murti Yadav para kowah toh, “Noti para sob kothom kori dae. Ami khan 2022 deh vote kuribo hoilebi 2019 deh nahoi”.
Tusara bosti manu para kowah toh, “Apuni state laga rasta ektum beya howah dekhibo pari. Officials khan ami khan logode nejor laga righ ase koikena vote debole koishe. Ami khan etu toh jani hoilebi ami khan vote nakoribole fesla korishe”.
Ram Milan Yadav para kowah toh “Toilets nai, phal rasta nai aro phal khor nai. Ami khan toh India deh thaga nesana nahoi. Ami khan India deh thaganai koile kelay vote kuribo?”
Assistant Returning officer (ARO) Umesh Chand Nigam para kowah toh, bosti manu khan vote kuribo nemide kosish korishe”.
Tai koishe, “Ami khan tai khan vote kuribo nemide request korishe. Tai khan ke manabo nemide ami khan pura kosish korishe”.
Uttar Pradesh deh 13 seats bachi thaga polling toh May 19 direk deh lobole ase aro etu toh election laga final phase ase. Results toh May 23 direk deh olabole ase.
Add Comment