AGENCIES ,May 12 2019 :Porana Kokrajhar Government College Prof Charan Narzary kun Plains Tribals Council of Assam (PTCA) laga founder aro general secretary thaka toh Saturday din Assam’s Kokrajhar laga RNB Hospital te luijaishe etu bi tai laga ghor laga bathroom para girikena .
Prof Charan Narzary, toh ekta teacher writer social worker aro political activist ase .Aro tai laga sal toh 86 ase .medical reports te dikhaishe ki tai hardi phangaise aro theng te bi jhokom paikena ase .Tai ke bhal paa manu khan hospital te tai ke sabole jaishe.
Porana Parliament laga member Urkao Gwra Brahma, aro Lok Sabha election 2019 laga candidate etu hadsaa janikena tai ke sabole jaishe. Prof Narzary toh Kokrajhar city te thaka Mwiderkoro village May 28, 1933 te jonom kurikena thakishe .Tai schooling toh okrajhar L P School aro Kokrajhar Higher Secondary and Multipurpose School, para matriculation khotom kurishe .
Etu pichede tai Cotton College para Bachelor of Arts in Political Science loishe aro Guwhati University para MA LLB loishe. Prof Narzary politician aro educationist ekla nohoikena ekta sob manu janaa writer ase .Tai kitaab Udayachal-History of Plains Tribals Council of Assam toh bishi manu khan bhal lageh.Tai toh The Bodo aro Alari Journals laga editor thakishe .
Add Comment