GUWAHATI,MAY 12 2019:Assam Lakhimpur district te ekta nakli doctor medical practise kura laga case olaishe .
Etu doctor Abinash Saikia Lakhimpur aro Dhemaji districts te medical practises kuri thakishe dusra doctor khan laga registration numbers chulaikena .
Etu nakli doctor kun nijor ke MBBS, DVL, FAM, Fellowship Aesthetic Medicine, specialist skin, hair, nail aro STDs, consultant dermatologist aro cosmetologist khan nimete ase koi ai dermatology te medical practise kuri thakishe number 19947 (Assam Medical Council) Dr Kiran Sonowal laga registration number chulaikena medical practise kuri thakishe .Etu doctor kun laga registration number chulaishe tai toh Department of Orthopaedics, Jorhat Medical College Hospital laga assistant professor ase .
Etia khobor paa hisaab te Dr Kiran Sonowal kun para Saikia ke etu chamela nimete kotha kurishe .Etu time te Saikia para DR Kiran Sonowal ke koishe etu toh printing error ase koikena aro dusra registraition number ase koikena janaishe.
Abinash Saikia para Town Medical Hall North Lakhimpur te dermatology practise kuri thakishe etu eki registration number 19447 chulaikena.Etia Dr Kiran Sonowal para Joint Director of Health, Dhemaji ke Saikia laga khilaaf case file kurishe . North Lakhimpur te Durniti Birodhi Yuva Shakti, Asom para Friday din North Lakhimpur Police Station te etu nakli doctor uporte case file kurishe .
Media persons khan logote kotha kuwa time te etu organisation laga state president Dharma Kanta Gogoi para Lakhimpur aro Dhemaji district administrations khan ke etu nakli doctors khan uporte chan bin kuribi koikena janaishe.
Add Comment