WASHINGTON: Official koishe Alaska te duita floatplanes khan laga nimite panchta (5) manu murishe aro ekta manu haraishe. Khobor hesab te duita floatplanes toh akash majote laga nimite etu ghatna toh hoishe. Etu ghatna toh passengers khan ke cruise ship sightseeing expedition para loi ani thakishe.
Duita aircraft crash huwa pichete emergency bachabole laga kaam toh suru kurishe. Duita aircraft te 14 passengers khan thakishe. Passengers khan ke Royal Princess ship para loi ahi thakishe. Crash toh Ketchikan osor te hoishe. Ketchikan toh Southern Alaskan cruise rasta te ekdam popular tourist jaga ase. Ketchikan toh fjords aro ekdam bishi jongol para bon ase.
Princess Cruises para US media te koishe etu crash te charta passengers murishe aro ekta pilot murishe.
Ketchikan Medical Center laga spokesperson para local CBS ke koishe dosta (10) manu ke bachaishe aro tai khan ke medical treatment dee ase. Jokom huwa ekta manu toh bishi biya condition te ase. Aro dusra teenta manu toh bishi biya para jokom hoi kena ase.
Channel hesab te local plane company Taquan Air koishe tai khan etu crash laga khobor toh huni kena bishi mon bekhaishe aro sob flights khan toh cancel kurishe. Taquan Air toh crash huwa duita plane para ekta toh operate kure.
Ghatna huwa jaga te Coast Guards khan para helicopters aro boats khan lagaishe aro bisaribole laga kaam kuri ase.
Add Comment