Visakhapatnam: Tuesday te Andhra Pradesh laga Visakhapatnam district te Paderu agency jaga te 17 saal thaka chukuri murishe. Khobor hesab te chukuri mura laga karan toh dangor-chaka (ferris wheel) laga cabin toh gerija nimite ase.
Sources koishe ke Paderu jaga toh tribal goddess Modakondamma laga bihu manai thakishe. Etu samay te dangor-chaka (ferris wheel) laga cabin toh girishe. Etu ghatna toh 12:30 am te hoishe. Khobor hesab te hadsa laga karan toh dangor chaka laga cabin laga screws khan toh biya huwa nimite ase koishe.
Etu ghatna nimite Busala Bhavani, chukuri toh mrishe aro tai logote aro duita chukuri toh jokom hoishe.
Paderu Sub-Inspector Ramarao para ANI ke koishe murija chukuri laga naam toh Busala Bhavani ase aro tai toh Rajababu laga bacha ase. IPC section 304(2) under te case toh register kurishe aro etu ghatna opor te puchtach kura suru kurishe.
Add Comment