ITANAGAR | May 14, 2019: Arunachal Pradesh’s Changling district police te an oil company employee laga kidnapping nimete duita manu aro tai khan logote thaka 8 ta manu ke thurishe .
Udipta Energy Oil Company laga employee Kashyap Boruah, ke April 1 te kidnapped kurishe tai laga company laga gaari te Innao at Maitripur Diyun circle te bera time te .
Tai khan ke duita manu army laga kapra lagaikena rukhaidikena garri para olabi koikena tai khan ke jungle te luijaishe .Etu pichede jungle laga bithor te luijaikena etu driver ke jabole dishe tai laga mobile loiloikena .Baruah laga abductors khan para tai ke koishe tai khan toh insurgent group para ase aro tai ke ransom nimete kidnap kura ase.
Etu complaint paa pichede Diyun police station te ekta case register kurishe aro chan bin kuribole shuru kurishe , SP (Changlang) Romil Baaniya koikena janaishe.
Etu operations kura time te sob location khan chula toh aro etu manu khan etu kidnapped kura te thaka toh raid kurishe khobor paikena aro etu kidnapping laga main accused Boksu Chakma aro Sikko Chakma aro tai khan logote thaka dusra 8 ta manu ke thurikena ase .
Add Comment