Guwahati, Sep 1 (IANS) :Assam police khan pora Saturday te 48 manu khan ke khilaaf hoikena chargesheet file kurishe .Etu kura toh etu sal June 8 te dui ta juwan chokra ke murai diya nimete ase. Assam Director General of Police Kuladhar Saikia Guwahati press conference te kotha kuwa time te koishe komti hoilebi 70 witness khan ke saise chan bin kura time te .DGP koishe police khan fast track trial kuri ase etu case te.”Etu chargesheet toh Chief Judicial Magistrate court Diphu Central Assam’s Karbi Anglong district te file kurishe etu te 48 manu khan thakishe .Etu 46-page chargesheet, ekla hi nohoikena komti hoilebi 800 pages supplementary documents etu te forensic report khan bi dishe ,”Saikia koikena janaishe. Etu accused ke alag alag section IPC bithor te charge kurishe,Tai koikena janaishe .”Etu chargesheet toh 90 days majhotte chargesheet kurishe etu ekta dangor step ase,”tai koishe aro koishe police khan pora ekta Special Investigating Team (SIT) olaishe etu lynching te chan bin kuribole nimete.Etu duita juwan chokra Nilotpal Das aro Abhijit Nath June 8 te Karbi Anglong district Dokmoka area laga Kathilangso waterfalls te jaishe , etu time te etu jaka te thaka manu khan ghussa uthikena bacha manu ase bhabikena muraidishe.Police khan akhe te koishe etu laga main accused Alpjajoz Timung etu duijun manu logote jakara olaikena ekta mobile te message dishe kunba locals khan ke koikena etu dui jun manu toh polaijai ase etu jaka pora bacha thurikena gari pora.Kunba etu jaka laga manu khan pora etu gari rukhai dikena etu duijun ke muraidishe tai khan bacha utha manu nohoi koikena janaidiya pichede.
Add Comment