KABUL:
Official koishe Thursday Afghan capital te thaka military academy te huwa blasts laga zimadari toh ISIS para loishe. Etu ghatna te choita manu murishe aro 16 nisina manu khan jokom hoishe.
Hamla toh western Kabul te Marshal Fahim National Defense University chari kena jai thaka students khan ke nisana kuri kena hamla toh kurishe.
Kabul police spokesman Firdaws Faramarz koishe suicide bomber toh thang para berai kena ahishe. Sipai khan ketiya tai ke war college te ghusibole mana kurishe etu samay te tai nijor ke bomb para phutaishe.
Faramarz koishe blasts te choita manu murishe aro dusra 16 manu khan jokom hoishe.
Tai koishe ke hamla kura manu toh tai laga nisana pungcha pichete tai nijor ke bomb para phutai kena murishe. Aro etu kotha opor te bishi details diya nai.
Hamla toh din te hoishe. Students khan toh Ramadan nimite school chari kena jai thakishe.
Add Comment