NEW DELHI:
Friday te official statement te koishe flight lieutenant Mohana Singh toh Hawk advanced jet aircraft ura sob para poila maiki hoishe.
Statement te koishe maiki officer toh ekdam muskil thaka 4-aircraft combat sortie toh Kalaikunda Air Force station, West Bengal te namaishe. Etu toh Hawk jets laga pura operate kura akhri trip thakishe.
June 2016 te Mohana singh logote dusra duita maiki bhi fighter stream te join kurishe. Tai duijon laga naam toh Bhawana Kanth aro Avani Chaturvadi ase.
Jua hafta Flight Lt. Bhawana Kanth toh sob para poila daytime maiki fighter pilot hoishe. Tai toh MiG-21 Bison uraishe.
Lieutenant Singh laga training te air-to-air combat aro air-to-ground missions thakishe.
Tai toh bishi practice missions khan loishe. Etu te rockets, guns aro bishi dangor tagot thaka bombs laga practice bhi kurishe. Tai toh bishi alak alak Air Force level flying exercises khan te bhi hissa loishe.
Add Comment