AICC campaign kurishe

GUWAHATI | September 1, 2018:Friday te AICC general secretary Harish Rawat   pora poster campaign olaishe .Etu bi  BJP sorkar khan state aro centre te  rule kura time te okobi kuribole naparah karne kura ase. Prime Minister Narendra Modi laga cartoon aro slogans khan thakishe etu posters khan te dikhaishe BJP sorkar khan pora ki ki biya kaam kura toh jaka te halidibo Rawat koishe .Rawat koishe etu Rafale deal toh sob se dangor chamela ase .Tai koishe  Congress leaders Deepa Dasmunsi aro Mukul Wasnik pora etu chamela uporte kotha kubo media logote kotha kuwa time te Saturday aro Monday te.Rawat Assam te August 26 te punchise aro four extended executive meeting loishe Azara Kamrup Hajo Kamrup Marghertia  Tinsukia aro lahowai Dibrugarh district te loishe party workers khan logote tai aro bi duita meeting te jaishe Dibrugarh aro Tinsukia laga cha bagan te.Etu meeting toh  Assam Chah Mazdoor Sangha pora loishe.Rawat Friday te wapas jaishe aro tai aro aha moina te wapas ahibo kunba district sabole nimete.Friday te Assam BJP spokesperson Rupam Goswami  koishe  ki Rafale aircraft kinibole laga kotha kuwa 2000 sal pora kotha kuri  thakishe . Atal Bihari Vajpayee Prime Minister thaka time te .Tai aro  UPA government ke bodnam kuri she 10 sal power te thaka time te tai khan okobi kuribole napaarah nimete etu fighter plane kinibole karne.