New Delhi, 11 June: Space deh armed forces khan war deh fight kuribole paribo karni government para notun agency bonabo nemide manishe. Etu agency under deh sophisticated weapon systems aro technologies bonabole ase.
Source koishe, “Cabinet Committee on Security deh Prime Minister Narendra Modi para head korikena notun agency bonabole clear korishe. Etu notun agency deh Defence Space Research Agency (DSRO) koi aro etu under deh space warfare weapon systems aro technologies bonabole ase.
Government para etu fesla toh topmost level deh loishe aro agency para Joint Secretary-level scientist under deh kaam toh suru korishe.
Agency deh scientists team khan debole aro aro tai khan tri-services integrated defence staff officers logode mela-meli agae kaam kori jabo.
Defence Space Agency (DSA) deh research aro development support toh debole ase aro etu deh tinta services laa members meli kena thakibo. DSA bona toh desh nemide space deh war howah deh motob pabo karni ase.
Etu sal March moina desh para Anti Satellite Test ola thakise. Etu para space deh satellites toh keraidebole paribo. Etu missile test para desh toh jarta nations laga elite club deh join hoishe.
Defence Space Agency toh Bengaluru deh bonaishe. Etu toh Air Vice Marshal-rank officer under deh ase aro asti para tin-ta force laga space-related capabilities deh loi lowah thakibo.
Modi government para space aro cyber warfare deh sai jabo nemide. Etu para be desh laga pahar aro pethor deh special operations lagi thaga deh motob pabo.
Add Comment