New Delhi, 11 June: Tuesday din Union Home Minister Amit Shah toh high-level meeting deh chaired thakise. Meeting toh state aro central agencies para cyclonic storm ‘Vayu’ dekthari olai thaga deh saija thakise.
Official statement hesab deh, Shah para senior officers khan ke sob pari thaga measures toh lobole koishe. Kelay koile manu khan phal para bhachibole paribo nemide. Kaam laga service toh power, telecommunications, health, aro drinking water nesana khan debole koishe. Tai para be etu facilities toh manu khan dekthari pai thaga time deh joldi debole ase koishe. Home Minister para be 24×7 control rooms function thakibole koishe.
Meeting deh Home Secretary, Secretary, Ministry of Earth Sciences aro Indian Meteorological Department and Home Ministry laga senior officers khan ahha thakise.
Statement deh koishe, “Ministry of Home Affairs toh state governments aro Central Agencies logode touch ase. State government of Gujarat para request kora deh, NDRF deh pre-positioned 26 teams ase. Tai khan ke boats, tree-cutters, telecom equipment nesana saman khan ase”.
Indian Coast Guard, Navy, Army, aro Air Force units toh standby deh ase aro surveillance aircraft aro helicopters para aerial surveillance loi ase.
India Meteorological Department (IMD) koishe, Cyclone Vayu toh Gujarat coast- Porbandar aro Mahuva majode hobole biswaas kori ase. June 13 direk morning time deh gara cyclonic storm logode hawah toh ahhaibole biswaas kori ase.
Official statement hesab deh, Gujarat laga coastal district deh cyclone toh ahhaibo pari aro etu para bhari hawah paani toh annibo nesana ase. Kutch, Devbhoomi Dwarka, Porbandar, Junagarh, Diu, Gir Somnath, Amreli aro Bhavnagar districts laga low lying coastal areas deh 1.0- 1.5 m para be besi hawah paani ahhibo nesana ase.
Add Comment