New Delhi, 15 June: Manmohan Singh Rajya Sabha member deh 30 sal olob para naponji kena thaga toh Friday din kothom hoishe aro HD Deve Gowda be etu par laga Lok Sabha elections deh Tymkur seat para lost howah thakise. Kondu former Prime Minister be Parliament laga upcoming budget session deh nathakibo. Centre deh notun government bona bechide parliament laga first budget session toh June 17 direk deh suru hobole ase.
Deve Gowda toh India laga 11th Prime Minister nemide June 1996 to April 1997 thakishe. Tai etu par laga election deh Tumkur Lok Sabha constituency para BJP’s GS Basavaraj ke harishee. Tai 13,000 opor votes para harishe.
Etu agae deh Deve Gowda toh Hassan parliamentary constituency para hotai contest kora thakise. Hoilebe tai laga jaga toh tai laga grandson Prajwal Revanna ke deshe.
Congress laga poor performance nemide Manmohan Singh toh parliament laga upcoming budget session deh missed kora thakibo. Tai 30 sal olob para naponji kena Rajya Sabha deh member nemide thaga Friday din tenure kothom hoishe.
Add Comment