Sau Paulo: Saturday din Copa America laga opening clash te Brazil khan para Bolivia ke 3-0 para haraidishe.
Brazil khan etu game toh star player Neymar kun etu tournament te khelanai ankle te jhokom paikena khelishe .
Team nimete Philippe Coutinho (50,53) para duita goal dhalishe aro dusra goal toh full time laga last minute phaleh Everton Soares (85) para halidishe .
First half te etu duita team khan ekta goal bi halidibole paranai aro khotom kurishe .Brazil khan bishi chance paishe goal dibole nimete hoilebi tai khan paranai.
Second half shuru huwa time laga early minute te Brazil khan penalty paishe aro Coutinho para first goal halishe .
First goal halidikena three minutes huwa pichede Coutinho para aro goal halidishe etu para Brazil khan 2-0 para akhe te thakishe .
Etu khel khotom nohoa akhe few minutes thaka time te Substitute Everton para goal haldikena 3-0 para akhe te thakishe.Aro etu goal para Bolivia khan ke chance dianai etu game te wapas ahibole nimete .
Neymar toh Brazil ke lead kuribole bhabana thakishe Copa America te hoilebi tai jhokom paikena tai etu tournament te khelibole naparibo.
Brazil khan etia Copa America laga second match toh June 19 Venezuela logote khilibole ase.
Add Comment