Gujarat: Saath manu septic tank safaa kura samay te murishe

MUMBAI: 

Officials NDTV ke koishe Gujarat te thaka hotel laga septic tank safaa kora samay te saatha manu saans lubole napari kena murishe. Mura manu khan majote charta manu toh sanitation kaam kura manu khan thakishe. Etu latest ghatna duwara janibole parishe ke etu kaam kura manu khan toh kiman biya condition para kaam kuribole lagi ase. Etu mota khan toh eku suraksha laga saman khan nalagai kena septic tank te kaam kuribole suru kurishe.

Etu ghatna toh Dabhoi tehsil te thaka Fartikui bosti te thaka Darshan Hotel te etu ghatna toh hoishe. Etu toh Vadodara city para 35 km dur te ase.

Murija charta sanitation kaam kura manu khan laga naam toh etu khan ase Mahesh Patanwadiya, Ashok Harijan, Brijesh Harijan aro Mahesh Harijan. Tai khan sob toh etu kaam kuribole Dabhoi laga Thuvavi jaga para matishe.

Hotel laga teenta employee bhi etu septic tank sapha kura samay te murishe. Tai khan laga naam toh Ajay Vasava (24), Vijay Chauhan (22) aro Sahdev Vasava (22) ase.

Deputy Superintendent of Police (Dabhoi division) Kalpesh Solanki koishe ke ami khan puchtach kuri ase ke etu manu khan toh kuntu gas saans luwa nimite murishe aro asol te kee hoishe.