Agencies June 16, 2019: Final te India karne suruwat toh olap alak dhaksie, 2nd aro 11th minute strikes pora South Africa kharne olap dictary dhakise, Kalinga stadium te India khan pora 5-1 te South Africa ke harai dsie. Varun Kumar aro Harmanpreet Singh laga suruwat pora ektam phal kuri dise aro 4th quarter biche te hi South Africa khan pora olap hoshiar kuri kena suru kurise.
Sultan Azlan Shah final te South Korea logot olap mohina ake te hari kena dhakise, etu bar laga FIH Men’s Series Finals chitiya toh Indian khan karne mon aram kuri dise.
Olpa mon dile South Africa khan karne ektam tight defense rakhibole moka dhakise. Hoile bhi 1st aro 2nd quarter te olap joldi goals khaa pora, South Africans khan laga mon hari jaise.
India khan pora Gurjant Singh ke centre-forward te midfielder Sumit laga botli te dise. Indian coach Graham Reid pora koise, “enika toh olap tan match te hobo, Sumit laga daya hat jokom paise.”
Tournament laga kodha te, Reid pora koise, “Moi pora kidya bhi oppor limit te najolai. Moi khan hotai phal hoi kena jabole lage. PC laga kodha hesab te, sob manu phal pora khilise. Sobse tangor kodha toh moi khan moka bonai ase.
Tournament te, India pora 35 goals dise. Next stage toh important ekta ase tade Indian team khan four-nation logot te Japan te khilise aro Europe te jabole paribo. Graham Reid coach hoi kena pohila tournament chitise. Hoile bhi tai pora etu kamiyab te dictary ase nakobo. Bishi Reid toh India laga side te khushi pai dise. Aro, aste aste Indian khan ke Tokyo 2020 te bonji kena dekhibole ase.
Add Comment