DIMAPUR| August 3, 2019: Gaili village Peren district laga jungle Thursday din te police khan para ekta 19 sal maiki laga body paishe.
Etu maiki toh Nagaland’s Punglwa village te thaka Paugumcule ase .Police khan kuwa hisaab te etu maiki toh August 1 para harijaikena thakishe etu pichede tai laga ghor aro bosti manu khan tai ke bisari bole jaishe .
Tai laga body toh State highway Gaili village laga jurisdiction bithor te paishe.Etu body toh Dimapur te post mortem nimete lui jaishe etu pichede tai laga body toh tai laga ghor manu khan ke didibo.
SDPO koishe etu postmortem laga result toh rukhi ase aro etu toh Forensic Science Laboratory te sabole dibo.Etu case te chan bin chuli ase .
Add Comment