Agencies, 2 September: Sunday din Cardiff city stadium de Arsenal aro Cardiff city khela de Arsenal 3-2 pora jeta thakise. Etu pora Premier League table de Arsenal toh 9th position de ase aro Cardiff City toh 16th position de ase. Suru goal toh Arsenal pora 11th minute time de thala thakise. Etu goal toh Shkodran Mustafa pora thala laga ase. Etu bechide second half de Arsenal karni Pierr-Emerick Aubameyang aro Alexandre Lacazette pora 62 aro 82 minute de goal thali kena jeti lowah thakise. Cardiff City phalli pora tuita goal toh second half de thala thakise. Etu toh Victor Camarasa aro Danny Ward pora 45+2 aro 70 minute de thala thakise. Etu agae de, Cardiff City toh Norwich City logode 1-3 pora hari kena thakise. Aro Arsenal toh West Ham 3-1 pora jeti kena thakise. Arsenal toh next Newcastle logode khelibole ase aro Cardiff City toh Chelsea logode khelibole ase.
November 1, 2024
World's First and Only Nagamese Newspaper
Add Comment