Chennai, 30 June: Sunday deh opposition Dravida Munnetra Kazhagam (DMK) para Centre laga ”one nation, one ration card” plan deh kelaaf korise. Etu toh federalism deh kelaaf kora laga ase koise.
BJP-led central government para states aro Union Territories ke ”one nation, one ration card” system olabole June 30, 2020 tak deadline deshe. Etu pethor deh desh laga kondu part deh hoilebi khaa lowah khan toh ration shops para kinebole paribo.
DMK president MK Stalin koise, “Public distribution toh state governments laga fundamental right ase. Union food minister toh nabuchi law deh beya hoijabole”.
Centre deh etu scheme toh withdraw kuribole samjai deya time deh tai koise, “Centre para enaga plan kuribole suru kora deh buchi pabo lagi power bonabole kosish kora”.
Tai aro koise, “Prime Minister Narendra Modi-led government toh activities deh ektum mon de ase federalism toh uproot kuribo”.
Tusara statement deh AMMK leader TTV Dhinakaran koise, “Judi khaa lowah toh migrants deh deshe koile locals toh dekthari howah thakibo”
Tai koise, “Tamil Nadu toh Food Security Act deh mani kena ase. State deh public distribution system toh pura-puri kerijabo one-nation-one-ration scheme nemide”.
Tuita leaders para be ruling AIADMK government para etu scheme deh kelaaf kuribole samjaise.
Saturday deh Union Food Minister Ram Vilas Paswan koise, notun mechanism para duniya khan shift hoise koilebe ration shop para kinibole paribo aro etu para be fake ration card holders deh hataidebole paribo.
Add Comment