Hooghly, 30 June: Bengal’s ruling Trinamool Congress para Kolkata osor Churchura deh 24-hour bandh korise. Etu toh ekta local party leader laga morai deya bechide ase.
Panchayat pradhan and senior Trinamool leader Neetu Ram laga moda Dilip Ram najana manu para Saturday din morai deshe. Murder toh local railway station jaga deh hoise. Dilip Ram ke toh hospital loija thakise hoilebi tai morise.
Police para investigation suru kora deh party para strike korise. Dukan aro business establishments toh besi phak citiy deh bondh thakise.
Jhargram deh BJP para Trinamool Congress ke bothnaam korise. Etu toh ekta manu ke goli mari kena jokhom powah nemide ase.
Police koise, “hamla toh regious programme time deh hoise. Tuijun manu Khagapati Mahato phali ahhaise aro tai majot laga ek jun para tai ke goli marise. Sob tinta toh Bagua bosti laga manu ase”.
Khagapati Mahato ke toh joldi Jhargram hospital deh loija thakise aro tati para Midnapore Medical College and Hospital deh loija thakise. Last deh tai ke Kolkata laga ekta hospital deh saise.
Naam najanai deya ekta official koise, “Ami khan para district administration deh khobor deshe. Criminal ke joldi arrest kuribo lagi”.
BJP para etu hatsa opor deh Trinamool Congress ke bothnaam korise. Etu kowah deh namani kena TMC’s district core committee member Prasun Sarangi koise, hamla toh personal reason nemide kora laga ase.
Bengal deh hotai gondogol toh election bechide hoi ase. BJP para ruling party ke besi phak gondogol nemide bothnaam kori kena ase.
Add Comment