NEW DELHI, SEPTEMBER 3 : Petrol aro Diesel dail laga daam toh Monday din ami kan desh te besi uthejai ase. Kele ami kan desh laga poisa Rupee toh tusera desh laga poisa ke hisab kurile komti-komti huijua pora aro dail kan laga daam kan uthejua pora.
Delhi te Petrol dail laga daam toh sobse besi huijai kena Rs. 79.15 1 litre te mange ase. Aro Diesel dail laga daam toh Rs. 71.15 1 litre te mange ase koise. Etu hisabte jua-jua din laga daam ke hisab kurile 31 paise 1 litre te manga huise aro utha huise. Etubi Monday din, 3 september 2018 te. Aro Mumbai te Petrol dail laga daam toh boila Rs. 86.24 1 litre mange thaka Monday din pora Rs. 86.56 huise. Aro Diesel dail laga daam toh Rs. 75.54 1 litre te mange ase koise.
Etu oporte Compressed Natural Gas (CNG) aro Piped Natural Gas (PNG) 2 ta laga daam kan bi uthese. Etubi Sunday din CNG laga daam toh 63 paise 1 kg te utha huise aro PNG laga daam toh Rs 1.11 per Standard Cubic Meter hisabte uthese koise. Eneka huikena edia toh CNG daam toh Rs. 42.60 1 kg te manga huise. Aro PNG daam toh Rs. 28.25 1 per scm te manga huise koise. Etubi Delhi te. Aro tusera jaka kan ke toh etu porabi besi mange ase koise.
Add Comment