GUWAHATI | July 6, 2019: Assam police khan para ek ta mota ke thurishe etu bi tai laga ghor osorte thaka manu laga kutta ke chor kurikena murai dikena etu laga mangsu khaa nimete thurishe .
Etu hadsaa toh Wednesday rati Assam’s Hatigaon locality te hoishe .Etu te Manipur te thaka ekta mota kun ekta ghor bhaara te bui thakishe tai ke thurishe etu bi etu kutta laga malik para tai laga khilaaf complaint kura pichede .
Hatigaon police station laga inspector Ratan Das koishe ki Wednesday rati te tai khan Brindaban Pathye thaka Simran Kumari para complaint paishe .Tai koishe ki tai laga kutta toh tai laga ghor osor te thaka manu para chor kurishe.
Etu manu laga ghor te ekta police team punchikena paishe ki tai aro kunba manu khan kutta laga mangsu bonaikena khai thakishe .Police station te char jun manu ke anidishe kotha khan kuribole nimete .
Das koishe etu accused ke thurishe aro tin jun toh kun manipur para exam dibole ahise olaidishe .
Police khan para Indian Penal Code (IPC) laga section 429 bithor te ekta jaanwar ke muraidiya nimete aro 379 chor kura nimete case register kurishe .Aro bi chan bin chuli ase .
Add Comment