ZUNHEBOTO,JULY 17,2019: Zunheboto District Planning and Development Board (DPDB) khan laga monthly meeting toh 16th July 2019 Deputy Commissioner’s conference hall te loishe.Etu meeting te etu nutun members khan para new Deputy Commissioner, Peter Lichamo ke welcome kurishe aro etu pichede members khan laga brief introduction khan thakishe.
73rd Independence Day celebration laga kaam bi bhaakh kura te kotha kurishe etu te parade contigent khan confirm kurishe kotha khan kura pichede aro ground maintainance nimete SDO (Mechanical) ke charge dishe.Board members khan manishe public ground te mela khan nolobole nimete aro kotha kurishe gutkha khan bon kuribole nimete etu bi church aro educational institution premises bithor te . Deputy commissioner para R&B Department ke sob machinaries khan ke kaam te rakhibi koishe etu para monsoon season te modot kuribole nimete kile koile toh raasta khan landslide aro mudslide para bondh thakeh.
DC para aro koishe 23rd te special DPDB meeting thakibo aro sob members khan ke etu meeting te ahibole janaishe.
Add Comment