Nagaland

Kohima deh District Magistrate dashboard olaise

August 4, 2019

Kohima, 17 July: July 17 direk Chief Secretary’s Office jaga deh Chief Secretary, Temjen Toy, IAS para District Magistrate dashboard for Nagaland toh Video Conferencing para olaise.

DM Dashboard toh online saman ase. Etu para deputy Commissioner/District Administration ke high priority Government schemes, programmes aro projects nemide motob pabo. Etu Dashboard toh day-to-day basis deh performance aro achievements deh dekhai. Etu para be citizens khan Swachh Bharat Mission Gramin (SBM), Pradhan Mantri Awas Yojana (PMAY), MGNREGA and Soil Health Card nesana schemes deh saijabo nemide dae.

Aji kali DM Dashboard deh 14 Sectors, 17 Departments aro 53 Projects onboard  ase. Etu laga deh olob project toh online web services para centrally fed ase aro bachi thaga khan toh offline mode para ase.

Chief Secretary koise, Nagaland DM dashboards toh desh deh second ase sob districts deh cover kora. Tai koise, duniya toh putli hoi ase aro etu online DM dashboard tool ola para DC ke district laga performance deh saijabole aro analyse kuribo nemide motob pabo. Tai koise, Deputy Commissioner toh District deh communities aro organisations khan laga chairman ase. Etu para alag alag departments laga kaam deh saijabo lagi kelay koile District perform deh department para sai naja tak State laga performance toh agae najabo.

Tai para DC ke DM dashboard toh phal para jolabole koise aro district deh ke hoi ase etu laga be sabha sabhi janaidebole koise aro thek samai deh khobor toh janaidebo nemide khobor toh update kuribole koise.

Deputy Director General and NIC Nagaland coordinator, NIC Hqr, New Delhi, Dr. Kishore Kumar para be kotha kora thakise. Tai para NIC team ke technical support debo nemide pura support debo koise kelay koile State deh e-governance application bonabo nemide aro digital India gara kuribo nemide.

Sob melikena nine districts Video Conferencing para hesha loise. Etu dashboard toh National Informatic Centre, Ministry of Electronics & Information Technology, GoI para designed, developed aro hosted kora laga ase.Etu website laga contents toh nejor laga departments para published, managed aro owned kori.