New Delhi, 18 July: Home Minister Amit Shah toh Air India disinvestment deh group of ministers (GoM) arobona deh head thakibole ase. Road Transport Minister Nitin Gadkari toh panel para hati jaise.
Panel toh Air India laga sal deh kaam kuribo nemide ase. Etiya jarta ministers thaga khan toh Shah, Finance Minister Nirmala Sitharaman, Commerce and Railway Minister Piyush Goyal aro Civil Aviation Minister Hardeep Singh Puri ase.
Air India Specific Alternative Mechanism (AISAM) toh June 2017 deh first bona laga ase. Etu deh five member ase aro Finance Minister Arun Jaitley para head kora thakise.
Tusara jarta thaga khan toh Civil Aviation Minister Ashok Gajapathi Raju, Railway Minister Suresh Prabhu, Power and Coal Minister Piyush Goyal aro Road Transport Minister Nitin Gadkari thakise.
Source hesab deh GoM toh Modi-2.0 government power deh ahha bechide bonaise aro Gadkari toh panel laga part deh nathaga hoise.
Source koise, AISAM toh bonaise. Etiya poila laga five members deh kelaaf korikena four- member panel ase.
First tetm deh Modi government para 2018 deh bids nemide investors khan ke invite kora thakise. Etu toh Air India deh government’s 76 per cent stake kenibo nemide invite kora thakise. Hoilebe process toh fail howah thakise kelay koile investors khan bids nakora nemide.
Add Comment