New Delhi, 20 July: Tin par Delhi laga Chief Minister aro senior Congress leader Sheila Dikshit Saturday Dehi deh morise. Tai 81 sal deh morise.
Dikshit toh national capital deh hospitalised thakise. Tai Fortis Escorts Heart Institute deh mon laga bemari nemide sai thakise.
Tai 03:55 pm deh last sash lowah thakise. Etu toh mon bemari para dukh pai thaga nemide 03:15 pm deh ventilator deh rakha bechide ase.
President Ram Nath Kovind, Prime Minister Narendra Modi aro tusara political leader khan tai mora nemide ektum mondukh howah janaise.
Dikshit to Delhi deh chief minister thaga toh besi lamba samai thakise. Tai 1998 to 2013 tak chief minister nemide thakise.
Tai national capital deh chief minister thaga time deh Delhi metro, besi flyovers aro roads bonaishe.
Tai Delhi deh chief minister thaga time deh 2010 deh Commonwealth Games loise.
Etu sal Dikshit ke be Delhi Pradesh Congress Committee laga president nemide juna thakise.
Dikshit toh tai laga moda bacha Sandeep Dikshit aro maike bacha Latika Dikshit Syed logode thaki thaga ase.
Add Comment