Kargil, 20 July: Saturday din Defence Minister Rajnath Singh Kargil War Memorial, Drass deh lok korise aro tai para Pakistan logode 1999 War deh mora sepai khan ke samaan deshe.
Singh toh ‘Kargil Vijay Diwas’ agae deh lamba din nemide state deh thakise aro tai para be memorial deh ‘Visitors Book’ sign korise.
Agae din deh Defence Minister toh Srinagar deh ponja thakise aro Drass phali agae jai thakise. Etu time deh officials khan ke lok korikena photo lowah thakise.
Defence minister be Jammu region deh lok koribole ase aro Ujh in Kathua aro Basantar in Samba deh Border Roads Organisation (BRO) para bona tuita bridges deh dedicate koribole ase.
July 14 direk Shah para be National War Memorial in Delhi jaga deh ‘Victory Flame’ othaideya thakise aro etu flame toh July 26 direk Drass in Jammu and Kashmir jaga deh ponjibole ase.
Flame toh 11 towns aro cities par korikena last deh Drass deh ponjibo aro Kargil War Memorial deh eternal flame logode agae jabo.
Etu sal Indian Army para Kargil War laga 20th anniversary toh ektum phal para namabole ase aro Operation Vijay deh hesha lowah sob sepai khan ke samaan debole ase.
Add Comment