Assam te chor kura manu thurishe

GUWAHATI | September 3, 2018:Sunday te police khan pora chor manu khan ke thurikena tai khan laga haath pora  110 chor huwa mobile phones aro dusra saaman khan paishe . Assistant Commissioner of police (Basistha), Nandini Kakati pora kurishe etu operation toh aro ekta police manu jhokom paishe etu time te .Kakati koishe “ami khan pora etu gang laga 7 jun manu thurishe Basistha charali osor te 4 am nishena te aro tai khan laga haath pora 110 mobile phones sona necklace earing bangles  ekta TV ekta Laptop aro ekta desktop computer paishe tai khan laga jaka pora .etu chor kura manu khan laga naam toh Abhisek Dey (18) aro  Nantu Dhar,18, Bengali Basti Basistha te buwa manu  , Boloram Brahma (18) Beharbari te thaka , Sanjoy Singh (18) Natun Basti Basistha  laga , Joon Ali (32) Bhella Barpeta district laga  , Ajit Rabha (20) Lalmati, aro  Rahul Choudhury (28) Patarkuchi Basistha laga manu khan ase. Kakati’s personal security officer, Barun Taye toh jhokom paishe tai uporte hamlaa huwa pichede chor kura manu khan pora.Etu manu haath aro peth te jhokom paikena thakishe .Police khan aro bi tinta scooter thurishe aro alag alag hathyaar thuri pishe tai khan chulai thaka .ACP koishe etu chor kura manu khan toh drugs khaa manu khan ase tai khan ke thurikena thaka time te  syringe khan paishe .Monday te etu manu khan ke chief judicial magistrate’s court te luijabole ase .