Union government para horu cities nemide ‘Metrolite’ train plan korise

New Delhi, 21 July: Centre para horu cities aro towns nemide light urban rail transit system – ‘Metrolite’ plan korise.

Union Housing aro Urban Affairs Ministry para ‘Metrolite’ system toh surface aro elevated stretches deh bonabo koise.

Minister hesab deh, ‘Metrolite’ toh thaki thaga metro system logode komti daam para bonabole paribo.

Three-coach train deh 300 passengers bokhibole paribo. Sources koise, government para state ke poisa para motob koribo light urban rail transit system bonabo nemide.

Koikena thaga toh, “Thaki thaga metro system deh kamiyaab howah dekhi kena besi cities aro towns khn be rail-based mass rapid transit system lagi ase. Etu demand toh light urban rail transit system para debo”.

Manifesto deh BJP para metro network to 50 cities deh dangor kuribole wada korikena ase.

‘Metrolite’ system deh shelter platforms thakibo. Metrolite platforms deh AFC gates, platform screen doors, X-ray aro baggage scanner nathakibo.

Ticket validators toh Metrolite train pethor deh thalibo aro kon ticket nathaka kena system deh pai etu khan ke bhari saja debo. Elevated Metrolite system toh At-Grade system (surface) naparise koile he plan kuribo. Rasta jaga lowah toh maximum 2.2 m thakibo piers nemide.

Metrolite laga maximum operational speed toh 60 KMPH ase. Judi on-board signalling failure howah thakise koile speed toh 25 Kmph thakibo.