New Delhi, 21 July: Environment Ministry koise, desh laga 16 states deh 34 noti lethara hoi kena thaga sabha kuribo nemide Rs 5,870 crore sanction korise.
Etu par Lok Sabha deh Minister of State for Environment Babul Supriyo koise, “National River Conservation Plan (NRCP) pethor deh total Rs 5,870 crore sanctioned kora deh Centre para Rs 2,522 crore toh states nemide olaise”.
MoS koise, “States para project proposal toh time time deh ahhai alag alag noti khan sabha kuribo nemide aro etu toh NRCP pethor deh poisa para motob kuribo nemide mani. NRCP para 77 towns laga 34 noti toh cover korise. Etu toh Rs 5870.55 crore sanction kora para korise.
Minister koise, last ek sal deh Rs 143 crore toh nine states nemide olaise. Etu ola toh NRCP pithor deh noti sabha kuribo nemide olaise.
Central Pollution Control Board (CPCB) aro State Pollution Control Boardsmeli kena noti laga paani quality deh sai thaki.
Apex pollution body para total 351 polluted noti toh janise.
Lakes aro wetlands conservation opor deh hota deh ministry koise, last tin sal deh lakes aro werlands nemide Rs 181 crores toh 20 states nemide olaise. Etu financial sal deh Rs 1.58 crore toh olai kena ase.
Minister koise, “Aji kali Environment Ministry toh centrally sponsored scheme – National Plan for Conservation of Aquatic Eco-systems(NPCA) kowah bonai ase”.
Add Comment