New Delhi, 22 July: Monday din Lok Sabha deh Right To Information (RTI) Act amend kuribo nemide bill passed korise. Etu bill toh opposition parties para besi kelaaf kora bechide be passed korise. Opposition khan toh agae saijabo nemide bill toh select committee deh pothabole monja thakise. Etiya opposition khan Rajya Sabha deh bill toh rukhabole plan kori ase kelay koile ruling BJP toh majority naponji kena thaga nemide.
Original RTI Act toh 2005 deh ola ase. RTI Act laga Section 13 deh amendment plan kora toh government para Chief Information Commissioner aro Information Commissioners laga term opor deh fesla kuribo nemide ase. Tusara aim thaga toh government para tai khan laga salaries, allowances aro tusara terms of service deh control kuribo nemide ase.
RTI Act laga Section 16 deh amendment aims kora toh etu nesana state-level Chief Information Commissioners aro Information Commissioners deh changes kuribo nemide ase.
Opposition parties khan kotha ola toh, RTI authorities laga employment aro payscale loi-loise koile tai khan laga freedom kothom howah laga hobo koikena kotha olaise. Opposition khan etu amendment toh RTI Elimination Bill” ase koikena koise, “honest officials khan be sensitive information toh najanaideya thakibo judi tai khan laga job aro salaries deh risk thakise koile.
Add Comment