Agencies August 5, 2019Basel te 19-25 August te dhakibole laga BWF World Championships te pora Defending champion Carolina Marin olai jaise, tai etu sal January laga Indonesia Masters final somoy te dhing jokom pai kena dhakiya aro phal nahowa nimede olai jaise.
Marin 29 January te dhing surgery kuri bole karne jaise aro Basel te khilibole laga pohila invitation ke mani kena dhakise. Olympic champion ke lagiya toh tai laga title ke defend kuribole tai laga jokom toh somoy te phal hobo koi kena phabi dhakise, hoile bhi Spaniard pora tai olai jabole laga teri howa laga matlab laga video message Sunday te bodhaise.
“Moi aro moi khan laga team pora faisla loise ki moi khan World Championship nakhilibo kintoh somoy ektam nai. Phal toh hoi jai ase aro dhing bhi phal pora hoi ase. Etu poira moi khan September laga tournaments tak rukhibo,” tai pora message te koise.
Olap din ake te, Marin pora World Championships te tai participate kuribole laga kodha koise ari tai pora koise tournament laga oshor te ahi ase kintoh tai 2020 Tokyo Olympics te jabole karne fit hobole mon di ase.
Thailand laga Nitchaon Jindapol pora Marin ke tournament te botli kuribo.
Add Comment