LONGLENG,AUGUST 06,2019: Mahila Shakti Kendra khan DTF BBBP logote milikena Girl Child Week “Empowering Girls for a Brighter Tomorrow” bithor Christian High School, Longleng 5th August 2019 te manishe .Etu celebration laga main objective toh manu khan ke girl child righr aro life laga facts khan janaidibole ase aro girl child issues Health, Respect, Education, Nutrition etc te bi kotha kurishe.
Rohbi Sangtam, EAC Hq. Longleng para tai laga keynote address te koishe ki maiki khan tai khan laga rights nimete uthibole lageh aro tai khan ki laga fields hoilebi jabole lagibo .Ekta sterotype family te jonom huwa nimete manu khan dikdaar pai thakeh successful hobole nimete .Etu nimete manu khan sob etu stereotypes traits para akhe ahikena goal ekta set kuribole lageh etu pabole nimete .
Shiju Anthony, Headmaster Christian High School, para tai laga welcome speech te DTF, BBBP & MSK Longleng khan ke khushi paishe enika programme khan maiki student khan nimete luwa karne .Tai para maiki student khan ke koishe enika programme opportunity lobi koishe tai khan laga bhal nimete .
Tutinungla Phom, District coordinator para Girl Child Week Celebration nimete brief introduction dishe .Aro WWO MSK Longleng para Girl Child Rights laga importance te kotha kurishe . Girl child issues & needs laga importance te bi kotha kurishe . Sakhi-One Stop Centre Longleng laga khobor toh Counselor Nyangyungsangla Phom para dishe.
Etu programme luwa pichede ekta special session loishe etu time te maiki students khan ke opportunity dishe tai khan laga talent dikhabole nimete etu time te student khan para tai khan laga original songs, quotation, poem, speech etc dishe.Etu kura toh ami khan ke nijor laga potential dikhabole nimete aro future nimete right decision lobole laga ase .
Etu intiative programme ke support kuribole Beti Bachao Beti Padhao’ laga scheme bithor te .Gift Hampers khan maiki student khan ke dishe kun khan etu programme te ahise .Etu programme te DTF BBBP, High school Girls Students, teachers & the OSC team Longleng khan ahise .
Add Comment