PEREN,AUGUST 07,2019: Peren District Planning and Development Board laga monthly meeting toh 6th August 2019 DC’s Conference Hall, New DC Complex Peren chairmanship DC & Vice Chairman DPDB Peren, Sentiwapang Aier para loishe .
Deputy Commissioner, Sentiwapang Aier para nutun members khan ke welcome kurikena last meeting laga kotha khan kurishe. District Awards laga bi kotha kurishe etu time tai para sob departments khan ke tai khan laga department laga proposal khan phutabi koikena janaishe .
Peren Child Line 1098 para presentation dishe etu te tai para Child line 1098 services missing children, emotional support & guidance, medical assistance, linking children shelter services, bacha khan ke bachabole abuse, modot kuribole nimete sponsorship, missing children laga report kuribole aro Child Line aro volunteering laga khobor dibole nimete ase.
Child line Peren koishe ki Police Department, Administration, Education Department, Municipal Council aro wards khan logote milikena ekta vital role play kuri ase child line laga activities fulfil kuribole nimete .
DC Peren etu nimete tai para sob head of offices khan ke station te thakibi koishe aro DPDB meeting te ahibi koishe aro alag kile absent thakishe etu laga reason dibole koishe.Tai para 9th August’ 19 laga mass social work uporte kotha kurishe aro sob head of offices khan ke tai khan laga kaam kuribi koishe kaam bhaakh kura hisaab te .
Add Comment