GUWAHATI , August 7, 2019: Wednesday te ahibole laga Ranji Trophy 2019-20 season laga Assam men’s (senior) cricket team karne Former Indian cricketer Ajay Ratra ke head coach chunise.
Chuniya laga janai diya somoy te, Ratra pora tai laga official Twitter handle te likhise, “moi laga sadi khan sob logot te share kuribole: – ahiya season laga Assam Senior Men’s Team (Ranji Trophy) karne head coach karne chunise. Abni khan laga ashirwat aro support lagi ase.”
2019-20 Ranji Trophy season toh December 9 te suru kuri kena March 13, 2020 te khotam hobole ase. Ajay Ratra pora tai nijor laga pohila ODI 2002 te khilise aro aro Test te century bona bole youngest wicketkeeper dhakise.
India laga bahar te bhi century bonabole Ajay Ratra second Indian wicketkeeper dhakise.
Ajay Ratra pora tai laga career te 99 first-class cricket matches aro 89 List A cricket matches khili kena ase.
Tai pora first-class cricket matches te total 4029 runs bonai kena ase aro List A cricket matches te 1381 runs bonai kena ase.
ICC Under-19 Cricket World Cup 2000 te chitiya laga Under-19 cricket team te tai bhi dhakise.
Add Comment