Lucknow, 08 August: Thursdat morning former Foreign Minister Sushma Swaraj’s ashes toh tai laga maike bhacha Bansuri Swaraj para Ganga deh phelaise. former BJP leader laga moda, Swaraj Kaushal, be thakise. Tuesday rati Ms Swaraj, 67 toh AIIMS, Delhi deh heart attack para morise. Wednesday din deh tai ke state honours deshe. Porsong din funeral procession suru nahowah agae deh Bansuri Swaraj aro Swaraj Kaushal para salute dekena farewell deshe.
Tuesday 9 pm deh Ms Swaraj ke toh AIIMS, Delhi deh joldi joija thakise. Hospital deh besi party colleagues aro ministers khan be ahha thakise. First deh ahha khan toh Nitin Gadkari, Dr Harshvardhan, Rajnath Singh aro Smriti Irani thakise.
Funeral deh ahha desh laga top political leaders khan majode Prime Minister Narendra Modi, Home Minister Amit Shah aro BJP patriarch LK Advani be thakise. Opposition leaders deh Congress’ Rahul Gandhi aro BSP chief Mayawati nesana khan be ahhai kena former external affairs minister ke samaan deshe. Duniya laga leaders Bangladesh Prime Minister Sheikh Hasina aro Iranian Foreign Minister Javad Zarif nesana khan be ahhai kena samaan deshe.
Add Comment