Sao Paulo: Brazil te Prosecutors pora koise Neymar laga khilaaf rape case toh prove kuribole laga evidence eman nai koi kena ipolice khan logot te manise aro judge ke etu case bon kuribole koise.
“Jar wall bhitor te ki hoi ase etu janibole toh dictary kam ase, moi khan laga pass te tai laga khilaaf te mai ki laga kodha ase,” prosecutor Flavia Merlini pora Thursday te reporter ke koise. “Moi khan pora bon kuribole laga case ke hudibole faisla loise.”
Neymar pora may mohina te Paris hotel te Brazilian maiki ke joborjose rape kurise kowa laga botnam ke mana kurise.
June 2 te Neymar pora seven-minute laga video Instagram te post kuriya somoy te etu sorom chamela toh suru hoise, tade tai pohila Najila Trindade logot te contact dhakise, aro tai pora joborse rape kurise koi kena khobor olai dise.
Tai laga botnam ke defend kuribole attempt te, Neymar pora bodha video te Trindade logot te tai log kuriya laga WhatsApp messages aro noksa khan dhakise.
Add Comment