Montreal: Rafael Nadal pora Fabio Fognini ke 2-6, 6-1, 6-2 te harai dsie aro ATP Montreal Masters semi-finals te jaise.
Nadal, ek sal ake te Canada te fourth title chitiya manu, pora Friday te Italian veteran ke harai dibole karne dui ghonta nishi lagise.
“match toh opor niche dhakise, hoile bhi moi karne positive match dhakise kintoh moi khili khili kena phalwala hoi jai kena dhakise,” Nadal pora koise.
Dominic Thiem aro Alexander Zverev duijun ke quarter-final te harai diya biche te major seed toh World number two Nadal ekla ase.
Satunrday tak tai pora final karane kon logot te khilibole ase najane, Gael Monfils aro Roberto Bautista Agut duijun match khotam howa somoy te.
Monfils aro Bautista deuijun pora court te jaa somoy te bani kiri kena suru kurise aro game bura khilibole pariya nai etu biche te match ke postpone kuri dise.
Austrian second seed Thiem, jowa habta Kitzbuehel te chiti kena ahiya manu, 3-6, 1-6 pora Russia’s eighth-seeded Daniil Medvedev logot harise.
Number three Zverev bhi Russian sixth seed Karen Khachanov ke 3-6, 3-6 pora 74 minutes te harise.
Add Comment