Mumbai: TV actress Shweta Tiwari kun ke janeh Kasautii Zindagii Kay Part 1 te Prema laga role kura toh olop akhe tai laga second husband, Abhinav Kohli laga khilaaf police complaint file kurishe.
SpotboyE report, kuwa hisaab te shweta para ekta complaint domestic violence laga Abhinav laga khilaaf kurishe kile koile tai aro tai laga maiki ke police station bahar te dikhishe .Entertainment portal laga source koishe ki etu ama aro maiki bacha ke kandikena dikhishe police station te .
Khobor paa hisaab te Shweta toh Abhinav logote dikdaari pai thakishe juwa sal para .Hoilebi tai duijun etu laga kotha toh okobi kuranai .Hoilebi tai duijun chup chap toh Abhinav para Palak ke thapor mara nimete ghussa uthikena sorom khaishe.
Shweta para cops khan ke koishe Abhinav toh bishi bak modu khaikena thakeh.Etu pichede tai ke police station te 1pm nishena te anishe aro kotha kurishe tai khan kotha kuribole manishe.
Manu khan najani koile Shweta toh poila te Raja Chaudhary logote shaadi kurishe.Tai aro Raja laga maiki bacha Palak ase.2017 te Shweta para Reyansh ke jonom dishe .
Add Comment