BHUBANESHWAR, SEPTEMBER 4 : Monday din BJP Party pora BJD Sorkar, Odisha laga ke kotha pora hamla kurikena besi hala kurise. Kele tai kan state Sorkar BJD pora ahkete luijai kena thaka pora Union Minister Ashwini Kumar Choubey tai kan state te aha time te ekdam hisab nakuri kena thakise koi kena. Etubi Medical College kholidebole aha time te.
Etu karne BJP Party kan pora etu BJD laga adat toh politic khel te ekdam nahua laga aro sabole nabara laga ase koi kena janaide thakise. BJP Legislature Party leader K V Singhdeo pora Odisha State Sorkar pora Centre ke tai kan state Odisha te ki-ki saidebole nakura aro ahkete anedebole karne eku saidebole nakura karne besi hala kuri thakise. Huilebi husa kotha hisabte Odisha sorkar kan ulta Central Schemes kan toh phasaidebole kuri ase koi kena janaide thakise. Aro etu Central Schemes kan toh tai kan state porahi ula Programmes hisabte banaidebole kuri ase koi kena janaise.
Etu K V Singhdeo porabi Odisha Sorkar kan etu Union Minister Ashwini Kumar Choubey ke bhal adat aro hisab kuribole nakuri kena thakise. Etu ke tai (Singhdeo) pora Fakir Mohan Medical College aro Hospital, Balasore te kholidebole nemite etu Union Minister ke matise. Huilebi etu din laga Invitation Cards te tai laga naam toh thaka nai koi kena janaise.
Tai bi Odisha state nemite 5 ta Medical Colleges aro Hospitals kan banabole karne Centre kan pora 60 percent poisa (funds) toh dese. Huilebi etu eman motub kura majutte ulta hisab nakurikena thaki ase. Kele etu Odisha state sorkar pora khali etu Union Minister Ashwini Kumar laga naam hi nahui kena Union Minister of State for Health Minister laga naam bi ekta Advertisement ula ke thaka nai koi kena.
Add Comment