Kohima, 12 August: Sal 2010 deh, Eatern Naga People Organisation, ENPO para led korikena alak Statehood or nahoile e “Frontier Nagaland” nemide Prime Minister of India ke ekta memorandum deya thaksie. Etu time para Government of India logode four rounds of bilateral talks aro two rounds of Cabinet talks toh State Government logode loise.
Eastern Naga People Organisation ke Union Home Secretary para August 13, 2019, New Delhi deh tusara round of talk thakibo nemide invite korise.
June 11 direk Tuensang HQ deh CEC meeting lowah time deh ENPO para 15 August Independence Day deh hesha nalobole fesla korise. Judi Government of India para Frontier Nagaland laga demand opor deh 10th August nahowah agae deh jawab deya nai koile.
Organisation khan para boycott kuribole laga plan toh cancel kori deya thakise. Kelay koile Centre para Eastern Nagaland laga manu khan nemide alak state nemide process toh joldi kuribole aro Union Home Secy logode kotha kuribole invite kora nemide.
Kekongchim, President ENPO para TNT deh koise, “Statehood nemide ami khan para demand kora toh ami khan sob deh bechide thaga nemide aro ami khan jinda thakibo nemide dekthari powah nemide demand kora ase aro ami khan Nagas para alak hobole laga toh nahoi”.
Naga Political issue agae stage thaga opor deh Kekongchim koise, Frontier Nagaland aro Naga Political issue nemide demand kora ke confuse nahobi kelay koile etu tuita issues toh alak alak thaga nemide.
Tai koise, Naga Political issue toh Naga Identity nemide ase aro ENPO demand toh basic aro fundamental rights nemide ase. Kekongchim koise, ENPO toh Indo Naga Political issue laga permanent settlement nemide thakise aro etu opor deh kaam kori thakibo.
ENPO officials toh meeting para kebah ekta phal olabole biswaas kori ase.
Add Comment