LONGLENG,AUGUST 14,2019: Longleng District Planning & Development Board meeting toh 13th August 2019 DC’s conference hall te B.S. Nganlang Phom para loishe .
Phom para members khan ke kotha kura time te koishe ki ki organisation hoilebi team work lageh outcome toh bhal hobole nimete aro sob members khan laga modot lageh district laga planning nimete .Aro tai koishe tai toh tayar ase manu laga kotha hunibole nimete tai para tai khan laga department laga dikdaari khan janaidibi koishe aro eki time te Nganlang para sob DPDB member khan ke modot mangishe thik para kaam kuribole nimete .
- Pangnyu Phom para tai laga short speech te government officials khan ke dhandyaabad koishe district te Lok Sabha election 2019 luwa nimete.Tai koishe ki DPDB toh important platform ase khali kotha aro dikdaari khan janaidibole hi nohoikena etu meeting toh bishi essential ase district laga ki schemes aro project thakile bi.Etu nimete tai para koishe DPDB meeting te sob members khan ke copies khan dibole nimete .Pangyu aro khobor dishe state laga cabinet meeting toh Longleng district te thakibole nishena ase aro members khan ke hosiyar thakibi koishe departmental activities logote .Tai aro bi koishe members khan ke modot kuribo le NGOs, clubs or organization ke district ke uthabole nimete .
Olop ache te Deputy Commissioner John Tsulise Sangtam para nutun DPDB chairman ke welcome kurishe aro members khan ke koishe thakibole nimete district laga activities time te.Tai aro hosiyar kurishe judi ekta member khan 3 consecutive DPDB meeting te thakanai koile toh tai khan laga APAR te dikdaar pabo.John para chunikena thaka members khan ke activities luwa toh Jal Shakti Abhiyaan Longleng nimete koishe.Tai aro koishe Longleng ke chunishe etu scheme bithor te ground water nathaka nimete .
Board khan para LADP 2019-20 49 A/C Tamlu aro 50 A/C Longleng nimete approve kurishe.etu meeting te retaining/protection wall CMO office uporte aro district hospital, Longleng department kuribole manishe .Agenda khan kotha kura pichede Deputy Commissioner nutun site laga electricfication nimete etu te nutun government buildings / quarters khan ahibo.Boards khan para SDO (Power) ke DPR bonabole koishe aro etu toh next meeting te dibi koishe approval nimete .
Er. Khitangpila SDO, Water Resource Department, Longleng para tai laga department laga activities khan uporte presentation dishe power point presentation para . Fisheries and Sericulture departments khan tai khan activities toh next meeting te dibo.Etu meeting toh chairman para vote of thanks dikena khotom kurishe.
Add Comment