Meghalaya govt khan plan kurishe Umiam Lake te ropeway bonabole nimete

SHILLONG , August 18, 2019:  Meghalaya government  khan plan kuri ase Umiam Lake te ropeway bonabole nimete.

Etu ropeway ekla nohoikena state govenrnent  khan plan kurishe ekta nutun  tourism infrastructure bonabole  nimete Umiam Lake viewpoint te  etu te restaurants stalls khuan thakishe vendors nimete thakibo.

Etu khobor toh  Meghalaya Chief Minister Conrad K. Sangma Saturday din  te koishe etu Umiam Lake viewpoint saijaa pichede .

Meghalaya government  Chief Minister Conrad Sangma  laga leadership bithor te decision loishe  etu bi Umiam Lake te  tourists khan tanibole nimete .

Tai laga twitter handle te khobor dikena  Chief Minister Conrad K. Sangma koishe ki “Etu nutun site te jaishe nutun tourism infrastructure Umiam Lake view point te bonabole nimete etu te rope way, restaurants aro stalls vendors nimete bonaishe.”

Aro khobor paishe ki Meghalaya Chief Minister Conrad K Sangma para Umiam Lake bachabole nimete joldi hi action lobi koikena janaishe.

Meghalaya Assembly Committee para report submit kura te janaishe ki etu situation aro  letra pheka  para etu nodi laga lifespan toh  2024 para uporte najaabo.

Meghalaya Chief Minister Conrad K Sangma para koishe ekta committee toh bonabole ase  etu nodi toh sapha kuribole nimete .

Etu committee toh  district administration, Forest, MeECL, Shillong Municipal Board, District Council aro water Resources khan logote milikena olabole lageh.

Himalaya Shangpliang, committee member etu  dam site te jaa pichede koishe  “Ami khan logote technical reports khan ase Umiam Dam’s lifespan toh 2024 para uporte najaabo.”