IMPHAL | August 19, 2019: Manipur police khan para dui jun manu ke thurishe etu bi bacha khan ke traffic kuribole kosish kura time te .
Local media reports hisaab te etu dui jun ke bacha khan 9 para 14 sal khan lure kura nimete kaam aro poisa karne bodnam kurishe .Bishnupur district te police khan para etu duijun ke thurishe .
Etu duijun toh Malemnganba aro Raju ase .Tai khan bacha khan ke autorickshaw te luijaa time te thurishe.
Police source koishe ki police khan etu autorickshaw te jaishe etu time te ekta maiki toh behoos hoishe autorickshaw para namaa time te .Aro janishe ki etu maiki khan toh Bishnupur para harikena thaka ase .
Etu hadsaa huwa pichede Imphal Police station laga OC kun etu jaka te jaishe etu maiki ke modot kurikena hospital te luijabole nimete janaishe ki etu maiki gira toh tinta bacha haria te ase aro kun laga noksa toh Manipur Anti-Human Trafficking Group laga website te halikena thakishe.
Imphal te etu duita manu para ana toh polaishe police khan jakaa te puncha timete .Etu pichede Bishnupur district laga police khan para etu dui jun ke thurishe .
Manipur Alliance for Child Rights (MACR) Bishnupur laga modot para etu bacha khan laga ghor manu khan para missing report file kurishe district headquarters P.S te .Khobor hisaab te etu bacha khan toh August 15 aro 16 laga rati para harikena thakishe.
Etu minors khan ke etu pichede Child Welfare Committee (CWC) aro MACR members khan ke dikena CWC Bishnupur district ke dishe etu bacha khan ke tai khan laga ghor manu khan ke dibole nimetr counseling huwa pichede .
Etia Manipur Alliance for Child Rights (MACR) khan Child Rights and You (CRY) logote milikena Manipur police ke dhandyaabad koishe kun khan dikdaar paikena etu tinta bacha ke bachabole para nimete .
Add Comment